PARAKH Rashtriya Sarvekshan 2024 December ni 4, 2024 a neih tur atan vawiin khan Serchhip District chhunga Field Investigator ten training an nei. He survey hi India rampui puiah a rual tlang a neih tur a ni a, Mizoramah pawh district tinah neih a ni dawn a. India ramah hian NCERT a cell pakhat PARAKH in an keng kawh a, Mizoramah hian SCERT chu Nodal agency niin, DPC Samagra Shuka nen tang hova buatsaih a ni. 

District ah hian DIET leh DEO te tangkawpin an keng kawh dawn a ni. Serchhip district ah hian Pawl 3, pawl 6 leh Pawl 9 zirlaite thiam dan enfiahna (achievement test) nei turin Field Investigator mi 143 te train an ni a, he hunah hian DIET a thawk tu ten training an pe bawk a ni. Hetiang National Achievement Survey hi kum tin neih thina  ni a, district tin zirna dinhmun chiang taka tar langtu pawimawh tak a ni