Vawiin dt. October 2023 hian DIET Serchip ah State Educational Achievement Survey (SEAS) atan a Field Investigator a tan a ruat leh Block Level Coordinator ten training an nei a ni. SEAS hi PARAKH, NCERT buatsaih niin India ram pumpui ah a rual tlangin November ni 3, 2023 ah hian School thlanbik ah te achievement survey hi neih tur a ruahman a ni.
He hun ah hian Pu Lawmawma, DEO Serchhip chuan thusawina neiin, Mizoram zirna hmel lanna tur a nih angin Field Investigator leh Block Level Coordinator te theih tawp a dik a hnathawk turin a chah a. SEAS 2023 kalphung leh nihphung te Pi Lalmuanpuii, District Level Coordinator SEAS Serchhip in sawina a nei bawk a. Pu R Lalrinawma, Asst District Level Coordinator in F.I. leh BLC te hriattur pawimawh leh an tih turte hrilhfiahna te a nei bawk. Chawhnu lamah Pi C Lalrinpuii, Asst District Level Coordinator in F.I. kal dan tur leh an hun hmandan turte leh zawhna awm thei angte kaihhruaiin hun hman a ni.
Serchhip District ah hian SEAS atan School 107 atangin Class 130 thlan chhuah a ni a, Field Investigator mi 143 awmin Block Level Coordinator mi 5 an awm bawk a ni.
